اردوئے معلیٰ

 

آپ خیرالانام صاحب جی

اور میں ادنیٰ غلام صاحب جی

 

حق نے کونین پر کیا لازم

آپ کا احترام صاحب جی

 

انبیاء مقتدی نہ کیسے ہوں

آپ جب ہیں امام صاحب جی

 

عرش قدموں کے بوسے لیتا ہے

اتنا اعلیٰ مقام صاحب جی

 

ابر رحمت کو کوئی اِک چھینٹا

ہوں بہت تشنہ کام صاحب جی

 

دونوں عالم میں کام آتے ہیں

آپ کے پاک نام صاحب جی

 

دیجیے سوختہ نصیبوں کو!

حاضری کا پیام صاحب جی

 

کاش سب کچھ ہی بھول جاؤں صبیحؔ

دل سے نکلے مدام صاحب جی

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات