اردوئے معلیٰ

Search

آہنی دیوار میں در دیکھنا

ایک دن خود سے نکل کر دیکھنا

 

جیت کیسے چومتی ہے پاؤں کو

کشتیاں اپنی جلا کر دیکھنا

 

کون پھولوں سے سواگت کرتا ہے

کس کے ہاتھوں میں ہے پتھر دیکھنا

 

یاد کے سونے دریچوں سے کوئی

جھانکتا ہے میرے اندر دیکھنا

 

جان لینا فاختہ مجبور ہے

جب کوئی سہما کبوتر دیکھنا

 

مرتضیٰ اِک شام اُس کی آنکھ سے

ڈوبتے سورج کا منظر دیکھنا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ