اردوئے معلیٰ

Search

اک بار جو میں دیکھ لوں چشمان مبارک

پھر تازہ رہے میرا بھی ایمان مبارک

 

اک لفظ ’’نہیں‘​‘​ کا نہیں لب پر کبھی آیا

ثابت یہ حدیثوں سے ہے فرمان مبارک

 

خالی نہ گیا در سے کبھی کوئی سوالی

مجھ کو بھی عطا کیجیے فیضان مبارک

 

کردار حسیں آپ کا اس رب نے بنایا

کامل ہے بیاں جس کا یہ قرآن مبارک

 

رو رو کے دعا مانگ رہا ہے یہ خدایا

زاہدؔؔ کو بھی ہو نعت کا فیضان مبارک

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ