اردوئے معلیٰ

Search

اک شہرِ دلنواز و دلآرا مدینہ پاک

ہم بے کسوں کا پاک سہارا مدینہ پاک

 

آنکھیں تو جیسے گنبدِ خضریٰ پہ رُک گئیں

دل میں ہے جا گزیں مرے، سارا مدینہ پاک

 

دنیا ہے دشت اور مدینہ شجر شجر

دنیا ہے بحر اور کنارا مدینہ پاک

 

اے جانے والے سیدِ عالم کے شہر میں

لیتے چلو مجھے بھی خدارا مدینہ پاک

 

عصرِ شبِ سیاہ میں کرنوں کا پاسباں

ظلمت کدے میں نُور کا دھارا مدینہ پاک

 

مجھ ایسے بے اماں کی ہے جائے اماں وہی

مجھ ایسے بے نوا کا ہے چارا مدینہ پاک

 

مقصودؔ حرف و صوت سے تعبیرِ جاں محال

اور مجھ کو میری جاں سے ہے پیارا مدینہ پاک

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ