اردوئے معلیٰ

Search
منقبت شان حضور تاج الشریعہ رحمۃ اللہ علیہ
بموقع 6 ذی القاعدہ عرس ازہری
وارثِ علومِ اعلیٰ حضرت، جانشینِ حضور مفتیِ اعظم ہند، شہزادے حضور مفسر اعظم ہند، قاضیُ القضاۃ فی الہند، پیر طریقت رہبر راہ شریعت حضور تاج الشریعہ حضرت علامہ مولانا مفتی محمد اختر رضا خان بریلوی رحمۃ اللہ علیہ
——

 

اہل سنت کی ضیاء اختر رضا خاں ازہری

وارث علم رضا اختر رضا خاں ازہری

 

کعبے کا مہماں بنا اختر رضا خاں ازہری

فضل رب تجھ پر ہوا اختر رضا خاں ازہری

 

غوث و خواجہ کی عطا اختر رضا خاں ازہری

عاشق بدرالدجیٰ اختر رضا خاں ازہری

 

نائب غوث الوری اختر رضا خاں ازہری

پیکر جود و سخا اختر رضا خاں ازہری

 

ہر گھڑی اہل وفا اختر رضا خاں ازہری

کرتے ہیں چرچا ترا اختر رضا خاں ازہری

 

مسلک احمد رضا کے تھے وہ سچے پاسبان

اہل سنت کی صدا اختر رضا خاں ازہری

 

اہل فتنہ سے بچایا ہر گھڑی جس نے ہمیں

تھے ہمارے رہنما اختر رضا خاں ازہری

 

کانپتی ہے نام سے انکے سبھی نجدی بلا

اہل بدعت کی قضا اختر رضا خاں ازہری

 

ہاں رضا کے خانداں کے آپ تھے چشم و چراغ

اعلیٰ حضرت کی رضا اختر رضا خاں ازہری

 

روشنی علم و ادب کی جس نے پھیلائی سدا

ہے وہی روشن ضیا اختر رضا خاں ازہری

 

تاقیامت ہند میں یونہی رہے جاری شہا

فیض تیرا جا بجا اختر رضا خاں ازہری

 

حضرت عسجد کے چہرے میں ہمیں آتا نظر

آپ کا جلوہ شہا اختر رضا خاں ازہری

 

آپکی تربت پہ ہردم نور کی برسات ہو

اور ہو فضل خدا اختر رضا خاں ازہری

 

میں بھی اک ادنیٰ گدا ہوں آپ کے دربار کا

ہو کرم مجھ پہ سدا اختر رضا خاں ازہری

 

مسلک احمد رضا پہ قائم و دائم رہے

ہر گھڑی شاہد ترا اختر رضا خاں ازہری

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ