اردوئے معلیٰ

Search

ایسا بھی کوئی خواب خدایا دکھائی دے

جس میں حبیبِ پاک کا چہرہ دکھائی دے

 

ہر شئے میں مصطفی کا ہی جلوہ دکھائی دے

انوارِ ایزدی کا سراپا دکھائی دے

 

آنکھوں کو میری وصف وہ کر دے عطا خدا

کعبہ دکھائی دے کبھی طیبہ دکھائی دے

 

طیبہ میں دفن ہوں تو مجھے خلد میں فداؔ

ان کے قریب اپنا ٹھکانہ دکھائی دے

 

رو روکے کر رہا ہے فداؔ بس یہی دعا

یا رب سفر مدینے کا ہوتا دکھائی دے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ