اردوئے معلیٰ

Search

اے ارض مقدس کے راہی ایماں کی حرارت لے جانا

ایماں کی حرارت ساتھ رہے وہ ذوق عبادت لے جانا

 

ماضی میں جو تم سے بھول ہوئی، اس بھول پہ ہو کر شرمندہ

آنکھوں میں ندامت کے آنسو، اشکوں کی ندامت لے جانا

 

اے زائر ارض پاک حرم، کعبے میں پہنچ کر سر تیرا

معبود کے آگے جھک جائے، ایقاں کی صداقت لے جانا

 

جب گنبد خضریٰ پر پہنچو تو حد ادب ملحوظ رہے

اس در پہ پہنچنے کی خاطر، حد درجہ محبت لے جانا

 

خوشدل کی زباں پر صبح و مسا، لبیک کا ہے روشن کلمہ

کہہ اٹھیں ملک سبحان اللہ، وہ شوقِ زیارت لے جانا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ