اردوئے معلیٰ

اے خدا! اپنے نبی کی مجھے قربت دے دے

اپنی رحمت سے تو مجھ کو یہ سعادت دے دے

 

مانگتا ہے جو کوئی اُس کو حکومت دے دے

مجھ کو مولا! تو فقط قطرئہ رحمت دے دے

 

عمر بھر تیرا پرستار رہوں میں مولا!

اپنے محبوب کی بھی مجھ کو اطاعت دے

 

تیرے محبوب سے اک دعویٰ الفت ہے مجھے

میرے پیرایۂ الفت میں تو برکت دے دے

 

جو گناہوں میں پھنسے ہیں مرے مولا ان کو

صدقۂ رحمتِ عالم سے ہدایت دے دے

 

تیرے محبوب کے کوچے کی گدائی ہو نصیب

التجا ہے یہی دولت یہی ثروت دے دے

 

قابلِ رشک بنے دونوں جہاں میں آصف

اے خدا! بہرِ نبی مجھ کو وہ قسمت دے دے

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات