اردوئے معلیٰ

Search

 

اے شانِ رسالت صلّی اللہ​

اے آنِ رسالت صلّی اللہ​

 

سرشار ہیں دونوں ثور و حرا​

غارانِ رسالت صلّی اللہ​

 

اصحابِ نبی رضوان اللہ​

رضوانِ رسالت صلّی اللہ​

 

بوبکر و عمر ، عثمان و علی​

یارانِ رسالت صلّی اللہ​

 

اصحابِ رسالت گل بُوٹے​

گلدانِ رسالت صلّی اللہ​

 

نبیوں کی امامت دی رب نے​

سُلطانِ رسالت صلّی اللہ​

 

باطل کو بھگایا حق لاکر​

فرقانِ رسالت صلّی اللہ​

 

پیغام خدا کا پہنچایا​

قرآنِ رسالت صلّی اللہ​

 

اے ہود و نصاریٰ آجاؤ​

میدانِ رسالت صلّی اللہ​

 

جنت کی عطا کردی چابی​

ایمانِ رسالت صلّی اللہ​

 

اللہ! اساؔمہ کو کردے​

حسّانِ رسالت صلّی اللہ​

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ