اردوئے معلیٰ

Search

اے شہِ دوسرا خاتم الانبیا

آپ خیرالورای خاتم الانبیا

 

رحمتِ عالمیں ہیں حبیبِ خدا

اے مرے مصطفیٰ خاتم الانبیا

 

تاج ختمِ نبوت کا سر پر سجا

آپ کو چُن لیا خاتم الانبیا

 

بیکسوں بے سہاروں کو مشکل ہو کیوں

سب کا ہیں آسرا خاتم الانبیا

 

چاند تاروں میں سورج میں ہے بے شبہ

آپ ہی کی ضیا خاتم الانبیا

 

یہ جو مدحت کی مجھ کو سعادت ملی

آپ کی ہے عطا خاتم الانبیا

 

بھیک مل جائے آقا مجھے دید کی

جان کر دوں فدا خاتم الانبیا

 

میرے ہونٹوں پہ نعتِ نبی ہو سجی

جب ہو وقتِ قضا خاتم الانبیا

 

صدقہ حسنین کا ناز پر ہر گھڑی

ہو کرم بے بہا خاتم الانبیا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ