اردوئے معلیٰ

Search

باد رحمت سنک سنک جائے

وادی جاں مہک مہک جائے

 

جب چھڑے بات نطق حضرت کی

غنچہ فن چٹک چٹک جائے

 

ماہ طیبہ کا جب خیال آئے

شب ہجراں چمک چمک جائے

 

جب سمائے نظر میں وہ پیکر

ذہن میرا دمک دمک جائے

 

فیض چشم حضور کیا کہنا

ساغر دل چھلک چھلک جائے

 

نام پاک ان کا ہو لبوں سے ادا

شہد گویا ٹپک ٹپک جائے

 

ارض دل سے اٹھے نوائے دزود

گونج اس کی فلک فلک جائے

 

رہنما گر نہ ہو وہ سیرت پاک

ہر مسافر بھٹک بھٹک جائے

 

چشم سرکار گر نہ ہو نگراں

نسل آدم بہک بہک جائے

 

کون وہ فرد ہے کہ جس کیلئے

دل فطرت دھرک دھرک جائے

 

مطلع کائنات پر تائب

نور کس کا جھلک جھلک جائے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ