اردوئے معلیٰ

Search

بتاؤ دونوں جہانوں کی آگہی ہے کوئی

حبیبِ رب سے بڑا معتبر نبی ہے کوئی

 

اصولِ بندگیء رب اطاعتِ سیّد

نبی کے عشق سے بڑھ کر بھی بندگی ہے کوئی

 

نبی نے ہر گھڑی اُمت کی لاج رکھی ہے

جو حق ادا نہ کرے اُن کا اُمتی ہے کوئی

 

جنہیں نبیء مکرم نواز دیتے ہیں

غنی ہیں اتنے وہ سب اُن کو کیا کمی ہے کوئی

 

بہائے خون کے آنسو فراقِ طیبہ میں

تڑپ رہا ہے جو سینے میں کیا ولی ہے کوئی

 

خدا کا شکر کہ آیا نصیب میں میرے

نبی کے عشق سے خالی بھی زندگی ہے کوئی

 

پہنچ ہی جاتے ہیں طیبہ میں سب رضاؔ عاشق

جنہیں بلائیں نبی دوری کب رہی ہے کوئی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ