اردوئے معلیٰ

بحر تجلیات خدا کے حبیب ہیں

منجملۂ صفات خدا کے حبیب ہیں

 

بزم تصورات سجاتا ہوں اس لیے

جانِ تصورات خدا کے حبیب ہیں

 

ہم عاصیوں سے دور خدا کا عذاب ہے

مصروف التفات خدا کے حبیب ہیں

 

تخلیق کائنات انہیں کے سبب ہوئی

سرکار کائنات خدا کے حبیب ہیں

 

دنیا میں کون ہے جو اُنہیں جانتا نہیں

سرتاجِ شش جہات خدا کے حبیب ہیں

 

دریائے فیض ان کا ہے سرور ؔ رواں دواں

سر چشمۂ حیات خدا کے حبیب ہیں

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات