اردوئے معلیٰ

بختِ خوابیدہ جگانا ہے تو پھر نعتیں کہو

گھر مدینے کو بنانا ہے تو پھر نعتیں کہو

 

اِک وسیلہ حشر کے دن ساتھ ہونا چاہیے

اپنے بگڑی کو بنانا ہے تو پھر نعتیں کہو

 

نعت کہنا اور پڑھنا سنتِ اسلاف ہے

اپنے شجرےکو سجانا ہے تو نعتیں کہو

 

اس کی تبلیغ و اشاعت لازم و ملزوم ہے

کفر کو یکسر مٹانا ہے تو پھر نعتیں کہو

 

اس وسیلے سے ہی عشقِ مصطفیٰ کو ہے فروغ

شمعِ جاں کی لو بڑھانا ہے تو پھر نعتیں کہو

 

ورنہ یہ دنیا ٹھکانا معتبر ہر گز نہیں

اور ٹھکانا ہی بنانا ہے تو پھر نعتیں کہو

 

بارگاہِ لم یزل میں یہ وسیلہ ہے بہت

حضرتِ حق کو منانا ہے تو پھر نعتیں کہو

 

اے عزیز الدین خاکی غور سے سن لو یہ بات

خود کو دوزخ سے بچانا ہے تو پھر نعتیں کہو

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات