اردوئے معلیٰ

Search

بے اختیار تھا ، ناقابلِ معافی تھا

مگر یہ ہجر ترے عشق کی تلافی تھا

 

قدیم لوگ محبت پہ جاں چھڑکتے تھے

نیا بیانیہ پہلے سے اختلافی تھا

 

تمام حرف ِدعا معتبر ہوئے لیکن

مگر وہ نقطہ جو میرے لیے اضافی تھا

 

تمام عمر بنا دیکھے سوچنا اُس کو

تمام عمر یہی ایک درد کافی تھا

 

ہم ایک دوری پہ کرتے رہے سفر قیصر

یہ دائرہ بھی ہمارے لیے طوافی تھا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ