اردوئے معلیٰ

Search

 

تمہارے ذرے کے پرتو ستار ہائے فلک

تمہارے نعل کی ناقص مثل ضیائے فلک

 

اگرچہ چھالے ستاروں سے پڑ گئے لاکھوں

مگر تمہاری طلب میں تھکے نہ پائے فلک

 

سرِ فلک نہ کبھی تا بہ آستاں پہنچا

کہ ابتدائے بلندی تھی انتہائے فلک

 

یہ مت کے ان کی روش پر ہوا خود ان کی روش

کہ نقش پا ہے زمیں پر نہ صوت پائے فلک

 

نہ جاگ اٹھیں کہیں اہلِ بقیع کچی نیند

چلا یہ نرم نہ نکلی صدائے پائے فلک

 

مرے غنی جواہر سے بھر دیا دامن

گیا جو کاسۂ مے لے کے شب گدائے فلک

 

رہا جو قانعِ یک نانِ سوختہ دن بھر

ملی حضور سے کانِ گہر جزائے فلک

 

تجملِ شب اسرا ابھی سمٹ نہ چکا

کہ جب سے ویسی ہی کوتل ہیں سبز ہائے فلک

 

خطاب حق بھی ہے در باب خلق من اجلک

اگر ادھر سے دمِ حمد ہے صدائے فلک

 

یہ اہل بیت کی چکی سے چال سیکھی ہے

رواں ہے بے مددِ دست آسیائے فلک

 

رضا یہ نعتِ نبی نے بلندیاں بخشیں

لقب زمینِ فلک کا ہوا سمائے فلک

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ