اردوئے معلیٰ

Search

تھا ریگزار جس کو گلستاں بنا دیا

سرکار نے عرب کو بھی ذیشاں بنا دیا

 

شق القمر کا معجزہ دکھلا کے آپ نے

مکہ کے بدوؤں کو مسلماں بنا دیا

 

باطل پرست ہو گئے حق آشنا سبھی

جاہل تھے ان کو حاملِ قرآں بنا دیا

 

جو بکریاں چراتے تھے ان کو حضور نے

اسلام دینِ حق کا نگہباں بنا دیا

 

سرور نے دید خواب میں کروا کے اے فداؔ

ذرّے کو آفتابِ درخشاں بنا دیا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ