تیری آمد پہ ہیں دلربا ! صف بہ صف
چاند ، تارے ، یہ ارض و سما صف بہ صف
آمدِ مصطفےٰ کی حسیں رات ہے
آج اترے نجومِ سما صف بہ صف
مرحبا مرحبا ! ان کی شانِ علٰی
’’جن کے رستے میں ہیں انبیا صف بہ صف‘‘
لا مکاں کی طرف ہے سفر آپ کا
سب کھڑے رہ میں پلکیں بچھا صف بہ صف
خوش نصیبی کہ اذنِ حضوری ملا
آ گئے در پہ شاہ و گدا صف بہ صف
ان کے در کا ادب ہے ، کھڑے ہیں جہاں
سانس روکے ہوئے اولیا صف بہ صف
بٹ رہے ہیں خدا کے خزینے یہاں
سو جلیل آ رہے ہیں گدا صف بہ صف
