اردوئے معلیٰ

Search

تیری گلی کھڑے نیں سرکار نین میرے

تیری اُڈیک وچ نیں بیمار نین میرے

 

اک وار میں جے پاواں تیری ادا دا چولا

میرا طواف کردے لکھ وار نین میرے

 

دل دی کتاب کیہ اے جلوہ ترا اے جلوہ

اکھراں نوں چمدے راہندے دلدار نین میرے

 

تکدے تجلیاں نوں میتھوں وی چوری چوری

بیٹھے اوہ جالیاں دے وچکار نین میرے

 

جد وی حضور چاہواں میں راہ تری تروکاں

میری ونگار کڈھدے ہر وار نین میرے

 

نعلین چمدے چمدے سوچن جدائی پاروں

رو رو نمانے کردے کیہ کار نین میرے

 

اعجازؔ جو میں ویہناں تیرا اے نور تیرا

تیرے بنا کریما بے کار نین میرے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ