اردوئے معلیٰ

تیری یاد اور تیرے دھیان میں گزری ہے

 

تیری یاد اور تیرے دھیان میں گزری ہے

ساری زندگی ایک مکان میں گزری ہے

 

اس تاریک فضا میں میری ساری عمر

دیا جلانے کے امکان میں گزری ہے

 

اپنے لیے جو شام بچا کر رکھی تھی

وہ تجھ سے عہد و پیمان میں گزری ہے

 

تجھ سے اُکتا جانے کی ایک ساعت بھی

تیرے عشق ہی کے دوران میں گزری ہے

 

دیواروں کا شوق جہاں تھا سب کو جمال

عمر مِری اُس خاندان میں گزری ہے

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ