اردوئے معلیٰ

Search

جدوں وی نعت دا مکھڑا جناب لکھناں آں

میں فیر شعر نیئں سجرا گلاب لکھناں آں

 

ایہہ تیری اکو جھلک دا ثواب لکھناں آں

صحابی لکھ کے تے پھر بے حساب لکھناں آں

 

فقیر بن کے کراں گل ترے نوازن دی

سوال توں وی میں پہلے جواب لکھناں آں

 

قلم دے وس کدوں جبریل اپنا پر لے آ

نبی دا مکھڑا میں حق دی کتاب لکھناں آں

 

خدائی عشق نوں آقا گناہ سمجھدی اے

میں ایہ ثواب نگر دا نواب لکھناں آں

 

کریں معاف جو گستاخ دل دی گل من کے

میں اپنی اکھ تے ترے در دا خاب لکھناں آں

 

ترے وصال توں اعجازؔ صدقے اکھیاں نیں

ترے وچھوڑے لئی دل دا کباب لکھناں آں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ