اردوئے معلیٰ

Search

جل گیا ایک عقیدت کا دیا نعت ہوئی

ہو گئی مجھ پہ جو آقا کی عطا نعت ہوئی

 

لفظ و معنیٰ میں الجھنے سے ہمیں کیا مطلب

جس گھڑی نام شہِ دیں کا لیا نعت ہوئی

 

انبیاء کرتے ہیں اقرار تِرا مِیرِ اُمم

میں نے جب معنئ "میثاق” پڑھا، نعت ہوئی

 

حشر میں پاس مرے غم نہ کوئی آئے گا

لب سے میرےجو یہاں ایک ادانعت ہوئی

 

نعت کہنے کا ہنر مجھ کو کہاں ہے زاہدؔ

جب ہوئی سرورِ عالم کی رضا نعت ہوئی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ