اردوئے معلیٰ

جن کے صدقے قلب و جاں شاداب ہیں

وہ مرے مرشد شہہ نواب ہیں

 

ذات ان کی آفتابِ معرفت

ان کے قدموں میں پڑے مہتاب ہیں

 

اے شہ نواب اے جان جمال

آپ پر قربان شیخ و شاب ہیں

 

ہیں سبیلِ خیر چشمانِ کرم

اور لب ، لطف و عطا کے باب ہیں

 

وقف ہو دل کا جہاں ان کے لیے

عشق مرشد کے یہی آداب ہیں

 

اہل دل کرتے ہیں روضے کا طواف

عقل والے محو استعجاب ہیں

 

خاندانِ پاک ہے وہ آپ کا

جس کا صدقہ منبر و محراب ہیں

 

تیرے در کے بوریے کے سامنے

سر خمیدہ اطلس و کمخواب ہیں

 

تیرے کوئے ناز کے سنگ و خذف

تاج سر ہیں ، غیرت زر ناب ہیں

 

دیجئے اذنِ حضوری دیجئے

کب سے ہم بے چین ہیں بے تاب ہیں

 

آپ کی چشم کرم کا فیض ہے

جو صدف سے کانپتے گرداب ہیں

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات