جو بھی فدائی شہِ کون ومکاں ہوا
وہ بے نیاز گردش ہفت آسماں ہوا
لکھی ہے میں نے نعتِ نبی سیلِ اشک سے
ہر لفظ دردِ دلِ کا مرے ترجماں ہوا
کیونکر بتاؤں عالمِ تذکارِ مصطفےٰ
ہر لمحہ زندگی کا، مسّرت فشاں ہوا
حاصلِ سرور و کیف ہوا ان کے نام سے
ذکرِ رسول پاک سے دِل گلستاں ہوا
لب پہ جو نام آیا رسولِ کریم کا
روشن ہوئی نگاہ تو دِل شادماں ہوا
جب آپ نے مٹا دیا رنگ و نسب کا فرق
انسان کا مقام جہاں پر عیاں ہوا
مدحَت گری میں کاوش پہیم کے باوجود
اک شعر کوئی آپ کے شایانِ شاں ہوا
حامد جو آبروّئے محمد پہ کٹ مرا
دارِ فنا میں زندہ رہا جاوداں ہوا
