اردوئے معلیٰ

Search

جو تولتے پھرتے ہیں ایمانِ ابو طالب

اے کاش! انہیں ہوتا عرفانِ ابو طالب

 

کس شان سے خدمت کی خالق کے پیمبر کی

اعزاز ترا عمراں ، کیا شانِ ابو طالب

 

اصحابِ نبی بولے کیا ورقَتہ مصحف ہے!

وہ ، سامنے رہتا تھا قرآنِ ابو طالب

 

کھل جائیں گے سب عقدے یکبارگی نادانو

پڑھ کے تو ذرا دیکھو دیوانِ ابو طالب

 

رہنا ہے بھتیجے کی ہر وقت حفاظت پر

میں ساتھ محمد کے ، اعلانِ ابو طالب

 

دن رات وہ گھاٹی میں شمشیر بکف رہتے

محفوظ جو رکھنا تھا مہمانِ ابو طالب

 

اس رات کو بستر پر سوئے گا علیؓ تیرے

تجھ کو نہ ضرر پہنچے اے جانِ ابو طالب

 

مشکل میں رہے ہر دم وہ ساتھ محمد کے

کتنا ہے یہ امت پر احسانِ ابو طالب

 

زیبا ہی نہیں حافظ یہ بات ہمیں ہر گز

یوں زیرِ بحث لائیں ایمانِ ابو طالب

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ