اردوئے معلیٰ

Search

جو شخص محمد کا ثنا خوان رہے گا

ہر آن زمانے میں وہ ذیشان رہے گا

 

جس دل میں محبت ہو محمد کی ہمیشہ

ہر گام خدا اس کا نگہبان رہے گا

 

اک بار مدینے میں اگر مجھ کو بلا لیں

واللہ! کوئی اور نہ ارمان رہے گا

 

گر عشقِ نبی سے ہو تری ذات منور

محشر میں ترا کام بھی آسان رہے گا

 

کچھ اشکِ ندامت بھی گناہوں پہ بہا لو

فردوسِ بریں جانے کا امکان رہے گا

 

جس کو نہیں سرکارِ مدینہ سے محبّت

دنیا میں ہمیشہ وہ پریشان رہے گا

 

جو بھی رکھے اصحابِ محمد سے عقیدت

از فضلِ خدا صاحبِ ایمان رہے گا

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ