جو مشفق ہے جو مونس مہرباں ہے، وہی تیرا خدا میرا خدا ہے

جو مشفق ہے جو مونس مہرباں ہے، وہی تیرا خدا میرا خدا ہے

جو رحمت کا محبت کا جہاں ہے، وہی تیرا خدا میرا خدا ہے

 

جو ہے مولا و معبودِ خلائق، جو ہے آقا و مسجودِ ملائک

خدائے انس و جاں کروبیاں ہے، وہی تیرا خدا میرا خدا ہے

 

کیا محبوبؐ اپنا جس نے پیدا، کیے کون و مکاں جس نے ہویدا

وہ جو آفاق کی روحِ رواں ہے، وہی تیرا خدا میرا خدا ہے

 

جسے چاہے وہ عزت تمکنت دے، جسے چاہے حکومت سلطنت دے

جو مخلوقات کا روزی رساں ہے، وہی تیرا خدا میرا خدا ہے

 

بنائے جو شہنشاہ و سکندر، کرے پیدا جو مجذوب و قلندر

وہی جو قبلہ گاہِ عاشقاں ہے، وہی تیرا خدا میرا خدا ہے

 

کرے جو منکروں پہ خوف طاری، چلائے حبس میں بادِ بہاری

جو طوفاں میں بچاتا آشیاں ہے، وہی تیرا خدا میرا خدا ہے

 

ظفرؔ سے بے سہاروں کا سہارا، بھنور میں جو کرے پیدا کنارا

وہ جو ننگے سروں پر سائباں ہے، وہی تیرا خدا میرا خدا ہے

یہ نگارش اپنے دوست احباب سے شریک کیجیے
Share on facebook
Share on twitter
Share on whatsapp
Share on telegram
Share on email

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے

متعلقہ اشاعتیں

میں تیرا فقیر ملنگ خدا
تو اعلیٰ ہے ارفع ہے کیا خوب ہے​
حمد و ثنا سے بھی کہیں اعلیٰ ہے تیری ذات
دردِ دل کر مجھے عطا یا رب
خداوندِ مکان و لامکاں تُو
خدا کی حمد جس گھر میں بیاں ہو
خدا اعظم، عظیم، عظمت نشاں ہے
شکستہ دل مسلماں ہے، خدائے مہرباں امداد فرما
خدا کے زیرِ فرماں سب جہاں ہیں
بصیرت دے، بصارت دے، نظر دے

اشتہارات