اردوئے معلیٰ

Search

جگ نوں خدا دا بیلی آقا بنان آئے

کٹکاں دے ویریاں لئی کملی وچھان آئے

 

توحید نگری وچوں باطل دا راج مکیا

میرے نبی جو حق دا سکہ چلان آئے

 

نرگس فقیر بن کے کشکول چا کھلوتا

محبوب نین تیرے اک جھات پان آئے

 

کہندا خدا کہ آ جو دیدار رج کے دیواں

جہڑے وی نین میرا ماہی سیان آئے

 

کوثر دے جام دیون ایسے جہان اندر

سرکار نین تیرے ویہاں مکان آئے

 

اکھیاں چوں لہہ پئی اے برسات اتھرواں دی

پھر تیرے درد مینوں نعتاں لکھان آئے

 

ایویں نہ شعر میرے اعجازؔ ہو گئے نیں

میرے حضور میرے دل دے جہان آئے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ