اردوئے معلیٰ

Search

حق نے تجھ کو بادشاہِ انس و جاں پیدا کیا

جسم و جاں کی واسطے آرامِ جاں پیدا کیا

 

نام سب ظاہر کیے دنیا میں تیرے نام سے

اور فقظ تیرے نشاں سب جہاں پیدا کیا

 

عرصہ ءِ گاہِ دین و دنیا میں خدا نے آپ کو

پہلواں پیدا کیا اور مرد جواں پیدا کیا

 

صانعِ قدرت نے تیرے نور سے یا مصطفٰی

کی عیاں شکل زمیں اور آسماں پیدا کیا

 

تیری خاطر ہوگیا کثرت میں وحدت کا ظہور

حق نے تیرے واسطے سارا جہاں پیدا کیا

 

سر بمہر اس دم خدا نے کی رسالت کی کتاب

جب تجھے اے خاتمِ پیغمبراں پیدا کیا

 

شکر کر سرور خدا کے واسطے سر کو جھکا

تجھ کو خالق نے نبی کا مدح خواں پیدا کیا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ