اردوئے معلیٰ

خسارہ بھی اگر ہو منفعت کہنا

محبت کو کبھی آزار مت کہنا

 

کبھی آہٹ کو دستک جاننا دل کا

کبھی یوں ہی کسی پُرزے کو خط کہنا

 

تم اپنے سر کوئی الزام مت لینا

جُدائی پر تھے میرے دستخط کہنا

 

خطائیں ٹھیک ہیں اپنی جگہ لیکن

محبت میں غلط ہے معذرت کہنا

 

سنو! پہلے مجھے تسخیر کر لو تم

پھر اُس کے بعد اپنی سلطنت کہنا

 

ہمیشہ سچ کو سچ گرداننا اشعرؔ

جہاں دیکھو غلط ہوتا ، غلط کہنا

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات