اردوئے معلیٰ

Search

خیرالبشر پر لاکھوں سلام

لاکھوں درود اور لاکھوں سلام

 

جن و ملائک تیرے غلام

سب سے سوا ہے تیرا مقام

یٰسین و طٰہٰ تیرے ہی نام

خیرالبشر پر لاکھوں سلام

 

عرش بریں تک چرچا ترا

شمس و قمر ہیں صدقہ ترا

اے ماہِ کامل حُسنِ تمام

خیرالبشر پر لاکھوں سلام

 

اے جانِ جاناں جانِ جہاں

شاداں کے تم ہو شاہِ شہاں

نازاں کے ہم ہیں ادنیٰ غلام

خیرالبشر پر لاکھوں سلام

 

تیری ثنا ہے میرا نصیب

قربان تجھ پر جان ادیبؔ

تجھ پر تصدق عالم تمام

خیرالبشر پر لاکھوں سلام

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ