اردوئے معلیٰ

Search

دستِ قدرت کے اشارے ڈھونڈتے پھرتے ہو تم

وہ تو ہیں آقا ہمارے، ڈھونڈتے پھرتے ہو تم

 

آؤ اس جا پر چلیں جو مرکزِ انوار سے

نورِ وحدت کے نظارے ڈھونڈتے پھرتے ہو تم

 

ذکرِ آقا باعثِ برکت بھی ہے رحمت بھی ہے

جا بجا رحمت کے دھارے ڈھونڈتے پھرتے ہو تم

 

ہے خدا کی ذات تو بندے کی شہ رگ کے قریب

دور دور اور مارے مارے ڈھونڈتے پھرتے ہو تم

 

اہلِ عالم کو دیا درس خودی سرکار نے

اہلِ دنیا کے سہارے ڈھونڈتے پھرتے ہو تم

 

وہ تو ملتے ہیں ہمیشہ رفعتِ افلاک میں

پستیوں میں چاند تارے ڈھونڈتے پھرتے ہو تم

 

جلوہ ہائے نور، اختر جن سے ہیں روشن جہاں

وہ تو ہیں طیبہ میں سارے ڈھونڈتے پھرتے ہو تم

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ