دل میں رہتے ہیں سدا میرے نبی​

 

دل میں رہتے ہیں سدا میرے نبی​

انس و جن کے مقتدا میرے نبی​

 

ان سے افضل اور احسن کون ہے؟​

ہیں بڑے بعد از خدا میرے نبی​
​

 

کس کے اندر اس قدر اوصاف ہیں؟​

ساری خلقت سے جدا میرے نبی​
​

 

رہ نمائی ، رہ بری ، پیغمبری​

کر گئے ہر فرض ادا میرے نبی​
​

 

دین پھیلانے کی خاطر مال و جاں​

کرگئے سب کچھ فدا میرے نبی​
​

 

نامکمل ہے اذاں ان کے بغیر​

ہر مؤذن کی صدا میرے نبی​
​

 

ہر نماز ایمان کی معراج ہے​

اور تشہد کی ندا میرے نبی​