اردوئے معلیٰ

Search

دل ٹھکانہ میرے حضور کا ہے

یہ جلوہ خانہ میرے حضور کا ہے

 

ایک پل میں ہزاروں عالم میں

آنا جانا میرے حضور کا ہے

 

نعمتیں سب وہی کھلاتے ہیں

دانہ دانہ میرے حضور کا ہے

 

مجھ سا عاصی کہاں مدینہ کہاں

یہ بلانا میرے حضور کا ہے

 

روز محشر جو بخشواۓ گا

وہ بہانا میرے حضور کا ہے

 

حشر میں انکے ساتھ اٹھے گا

جو دیوانہ میرے حضور کا ہے

 

جن پہ اتری ہے آیہ تطہیر

وہ گھرانہ میرے حضور کا ہے

 

ذکر شامل نماز میں خالد

پنجگانہ میرے حضور کا ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ