اردوئے معلیٰ

Search

دو عالم کے آقا ، سلام علیکم

نوید مسیحا ، سلام علیکم

 

تیرے نور سے هے هر اک حسن پیدا

تیرے حسن پر خود خدا بھی هے شیدا

 

تیری ذات اقدس میں کونین هے گم

دو عالم کے آقا ، سلام علیکم

 

تیری نکہتِ زلف کا نام جنت

نگاهِ کرم هے عطائے سخاوت

 

سکھایا هے تو نے گلوں کو تبسم

دو عالم کے آقا ، سلام علیکم

 

گرے تو تمہارے کرم نے سنبھالا

تمہاری عطا نے دو عالم کو پالا

 

خدائی کا مطلوب و مقصود هو تم

دو عالم کے آقا ، سلام علیکم

 

تیرا آستاں ، آرزوؤں کا حاصل

تیری ذات امرِ دو عالم کی منزل

 

هے تیرے سفینے کا خادم طلاطم

دو عالم کے آقا ، سلام علیکم

 

خدا کی مشیت ، تیرا هر اشاره

زیارت هے تیری ، خدا کا نظارہ

 

کلامِ خدا تیرا حسن تکلم

دو عالم کے آقا ، سلام علیکم

 

تیرے نورِ اول کی جلوه نمائی

صفات خدا اور ساری خدائی

 

دو عالم په ثابت هے تیرا تقدم

دو عالم کے آقا ، سلام علیکم

 

تمہی تو هو خالد کا دین اور ایماں

تمہی تو هو الله کا خاص احساں

 

تمہی روح نغمات ، کیف ترنم

دو عالم کے آقا ، سلام علیکم

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ