اردوئے معلیٰ

Search

رسولِ عالمیں میرے نبی ہیں

امام المرسلیں میرے نبی ہیں

 

سراپا معجزہ ، نورِ مجسم

وہ رحمت کے نگیں میرے نبی ہیں

 

کمالِ مظہرِ حُسنِ خدا سے

حسین و مہ جبیں میرے نبی ہیں

 

سراج السّالکین و عارفیں بھی

امیرِ المتقیں میرے نبی ہیں

 

یہی قرآن بھی کہتا ہے سُن لو

کہ جانوں سے قریں میرے نبی ہیں

 

مٹائے ظلمتوں کے سائے جس نے

وہی نورِ مبیں میرے نبی ہیں

 

خدا کی نعمتِ عُظمہ سراپا

شفیع المذنبیں میرے نبی ہیں

 

علی و فاطمہ ، شبیر و شبّر

صحابہ سے قریں میرے نبی ہیں

 

رضاؔ اس واسطے روشن یہ دل ہے

مرے دل میں مکیں میرے نبی ہیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ