اردوئے معلیٰ

 

روحِ دیں ہے عید میلادُالنبی

کیا حسیں ہے عید میلادُالنبی

 

سوزِ جاں ہے عید میلادُالنبی

سازِ دیں ہے عید میلادُالنبی

 

جس طرف دیکھو ملک محوِ سلام

بالیقیں ہے عید میلادُالنبی

 

وہ مکمل ہیں کتابِ معرفت

شرحِ دیں ہے عید میلادُالنبی

 

جس پہ قائم آسمانِ احدیت

وہ زمیں ہے عید میلادُالنبی

 

کیوں نظر آئیں نہ جلوے صاف صاف

دُوربیں ہے عید میلادُالنبی

 

ہر زمانے میں مہ عیدین کو

مہ جبیں ہے عید میلادُالنبی

 

قوم کی بے رہ روی پہ اے صبیحؔ

شرمگیں ہے عید میلادُالنبی

 

یہ نگارش اپنے دوست احباب سے شریک کیجیے

اشتہارات

لُطفِ سُخن کچھ اس سے زیادہ

اردوئے معلیٰ

پر

خوش آمدید!

گوشے۔۔۔

حالیہ اشاعتیں

اشتہارات

اشتہارات