اردوئے معلیٰ

Search

رکھتے ہیں صرف اتنا نشاں ہم فقیر لوگ

ذکرِ نبی جہاں ہے وہاں ہم فقیر لوگ

 

ان کا کرم ہے ہم کو مدینے بُلا لیا

ورنہ کہاں مدینہ کہاں ہم فقیر لوگ

 

آقا کی رحمتوں سے برابر ہیں فیض یاب

جبریل آسماں پہ یہاں ہم فقیر لوگ

 

لیتے ہی نام ان کا مقدّر سنور گئے

پہنچے ہیں پھر کہاں سے کہاں ہم فقیر لوگ

 

ہم ہیں گناہگار، ہیں وہ شافعِ خطا

یوں پا گئے ہیں ان سے اماں ہم فقیر لوگ

 

خلوت نشینی و دمِ غربت کے باوجود

دستِ عطا سے کب ہیں نہاں ہم فقیر لوگ

 

مانا کہ اُن کے در پہ پہنچ بھی گیے عقیلؔ

کیسے کریں گے حال بیاں ہم فقیر لوگ

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ