رہبر ہے رہنما ہے سیرت حضور کی
منزل ہے راستہ ہے سیرت حضور کی
آدابِ زندگی کی روشن کتابِ جاں
تحریرِ دلکشا ہے سیرت حضور کی
اک جہدِ مستقل کا پیہم نصابِ زیست
ہمّت فزا ادا ہے سیرت حضور کی
مہر و وفا، مروّت، بندہ نوازیاں
بندوں کا آسرا ہے سیرت حضور کی
سچّائی ، سادگی و ایفائے عہد سب
عظمت کی انتہا ہے سیرت حضور کی
ہیں کان وہ حیا کی عاداتِ دلبری
گنجینۂ سخا ہے سیرت حضور کی
ہے عفو ، در گزر میں اپنی مثال آپ
دشمن کو بھی دعا ہے سیرت حضور کی
رکھ دو حضور کے در سب زندگی کے روگ
ہر روگ کی دوا ہے سیرت حضور کی
شکرِ خدا کہ وقفِ سیرت ہوں اب ظفر
جیون کا مدّعا ہے سیرت حضور کی
