اردوئے معلیٰ

Search

رہوں گر دور تجھ سے آتشِ فرقت جلاتی ہے

قریب آؤں تو تیرے سانس کی حدت جلاتی ہے

 

تجھے چھو لوں تو جل اٹھوں ، نہ چھو پاؤں تو جلتا ہوں

عجب نسبت ہے یہ جاناں ، بہ ہر صورت جلاتی ہے

 

تجھے تھا چند ساعت میرے ساتھ دھوپ میں چلنا

مجھے اب تک مرے احساس کی شدت جلاتی ہے

 

کروں پرواز تو کھینچے مجھے پاتال میں دھرتی

جو دھرتی پر رہوں تو خواہشِ رفعت جلاتی ہے

 

کسی دن راکھ ہو جاؤں گا جانِ نقش جل جل کر

ابھی تو دھیمے دھیمے تیری ہر عادت جلاتی ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ