اردوئے معلیٰ

Search

سارا قرضِ ہنر چکا دیا ہے

لفظ کو راستہ بنادیا ہے

 

بے خیالی میں جس کو پایا تھا

ڈھونڈنے میں اسے گنوادیا ہے

 

احتیاطِ فصیل و در کیسی

جب کرایہ مکان کا دیا ہے

 

رک گئے ہیں جہاں سے روکا گیا

لگ گئے ہیں جہاں لگا دیا گیا

 

تم بخیلی سے کام لیتے ہو

رب نے ہم کو جو دل بڑا دیا ہے

 

رت بدلنے کی دیر تھی اظہرؔ

دھوپ نے چھاوں کا مزا دیا ہے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ