اردوئے معلیٰ

Search

سجدہ حسین نے جو سرِ کربلا کیا

ایسا کسی بشر نے نہ جگ میں ادا کیا

 

دیں کی بقا کے واسطے خود کو فدا کیا

نانا سے جو کیا تھا وہ وعدہ وفا کیا

 

تا حشر یاد رکھیں گے قربانیٔ حسین

حق تھا امام کا جو انہوں نے ادا کیا

 

یہ کارنامہ حضرتِ شبیر ہی کاہے

سر سبز خوں سے گلشنِ مہر و وفا کیا

 

آقا نے اپنے خوں کی دے کر انہیں چمک

ذرّاتِ کربلا کو فداؔ بے بہا کیا

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ