سوال : حُسن کی دنیا میں دیجیے تو مثال؟

جواب : کس کا محمد سے بڑھ کے حسن و جمال

سوال : خون سے سینچا ہے دین کو کس نے؟

جواب : کرب و بلا میں جو تھی رسول کی آل

سوال : قلبِ حزیں کا علاج کیا ہوگا؟

جواب : دل کو بہت ہے فقط درود کی ڈھال

سوال : پیش کرے گا تو کیا حساب کے دن ؟

جواب : کچھ بھی نہیں ما سوائے نعت کے مال

سوال : رحمت سرکار کی حدود کوئی؟

جواب : مشرق و مغرب جنوب ہو کہ شمال

سوال : آپ کے در سے کوئی گیا خالی؟

جواب : ایسا نہیں پیدا کوئی ہوتا سوال

سوال : کیسے عطا مطمئن ہے دل تیرا؟

جواب : کیوں کہ ہے سرکار پر عیاں مرا حال

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Releated

پھراٹھا ولولہ یاد مغیلان عرب

پھر اٹھا ولولہ یاد مغیلان عرب پھر کھنچا دامن دل سوئے بیابان عرب باغ فردوس کو جاتے ہیں ہزاران عرب ہائے صحرائے عرب ہائے بیابان عرب میٹھی باتیں تری دینِ عجمِ ایمان عرب نمکیں حسن ترا جان عجم شان عرب اب تو ہے گریۂ خوں گوہر دامان عرب جس میں دو لعل تھے زہرا کے […]

بھینی سہانی صبح میں ٹھنڈک جگر کی ہے

کلیاں کھلیں دلوں کی ہوا یہ کدھر کی ہے کھبتی ہوئی نظر میں ادا کس سحر کی ہے چبھتی ہوئی جگر میں صدا کس گجر کی ہے ڈالیں ہری ہری ہیں تو بالیں بھری بھری کشتِ اَمل پری ہے یہ بارش کدھر کی ہے ہم جائیں اور قدم سے لپٹ کر حرم کہے سونپا خدا […]