اردوئے معلیٰ

Search

 

سَیلِ گفتارِ محمد زمزم و مشک و گلاب

اور وہ لب ہائے گویا ، روشنی ، خوشبو ، حِنا

 

کاروانِ نور و نکہت ان کے سانسوں کی مہک

اور وہ کومل سا مکھڑا ، روشنی ، خوشبو ، حِنا

 

ذاتِ ختمِ المرسلین خورشید، عنبر ، تازگی

حیدرؓ وحسنینؓ و زہراؓ ، روشنی ، خوشبو ، حِنا

 

وہ گلِ وحدت محمد وہ رسولوں کے گلاب

اس گل وحدت کا کنبہ ، روشنی ، خوشبو ، حِنا

 

ان کا ادراک رسائی کرسی و لوح قلم

علم ان کا عطر افزا ، روشنی ، خوشبو ، حِنا

 

مرکزِ تہذیبِ عالم علم و عرفان و شعور

آدمیّت کا سویرا ، روشنی ، خوشبو ، حِنا

 

وہ اخوّت خیز کونپل ، پیار ، چاہت ، دلکشی

وہ محبت بیز پودا ، روشنی ، خوشبو ، حِنا

 

میری نیندوں میں مہکنا اس گلِ مہتاب کا

میرے خوابوں کا جزیرہ ، روشنی ، خوشبو ، حِنا

 

سیف زلفی کا قلم ، مِدحَت ، محبت ، نغمگی

سیف زلفی کا قصیدہ روشنی ، خوشبو ، حِنا

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ