اردوئے معلیٰ

Search

نہاں ہے خانۂ دل میں وہ نام بچپن سے

انیسِ جاں ہیں درود و سلام بچپن سے

 

حروفِ نعت میں خورشید کی شعائیں ہیں

میں لکھ رہا ہوں یہ روشن کلام بچپن سے

 

ہزار رحمتِ رب جذب عشقِ پر جس نے

سکھا دیا ہے مجھے ایک کام بچپن سے

 

زہے نصیب کہ حاصل ہے دل کو یہ لذت

مراقبے میں سلام و پیام پچپن سے

 

وہ اپنے چاہنے والوں کو خود بلاتے ہیں

میں دیکھتا ہوں یہی لطفِ عام بچپن سے

 

رُتوں کے ساتھ بدلتے ہیں عارضی محبوب

ہے دل میں عشقِ نبی کا مقام بچپن سے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ