اردوئے معلیٰ

Search

شافعء روزِ جزا میرے نبی ہیں مصطفی

باعثِ رحمت ، عطا میرے نبی ہیں مصطفی

 

جن کی خاطر سب بنے ارض و سما ، کون و مکاں

وہ امیرِ دوسرا میرے نبی ہیں مصطفی

 

حامی و ناصر ، نگہباں ، چارہ گر ، مشکل کشا

سب کے وہ حاجت روا میرے نبی ہیں مصطفی

 

عرش کی معراج والے ، تاج والے ، مجتبیٰ

وہ حبیبِ کبریا میرے نبی ہیں مصطفی

 

صورت و سیرت میں یکتائے زمانہ اور جدا

معجزہ ہی معجزہ میرے نبی ہیں مصطفی

 

آنکھوں کی ٹھنڈک دلوں کا چین نامِ مصطفی

اسمِ اعظم ، کیمیا میرے نبی ہیں مصطفی

 

سارے نبیوں اور رسولوں نے بشارت دی ، کہا

آ رہے ہیں مصطفی میرے نبی ہیں مصطفی

 

جشنِ میلاد النبی ہے اور خوشیوں کا سماں

مرحبا! صلِّ علیٰ میرے نبی ہیں مصطفی

 

اُن کی خاکِ پا کو بڑھ کر چوم لوں میں برملا

دے رہے ہیں جو صدا میرے نبی ہیں مصطفی

 

حشر میں تیرا رضاؔ جی! کون ہو گا آسرا

جھوم کر میں نے کہا میرے نبی ہیں مصطفی

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ