اردوئے معلیٰ

Search

 

شمس الضحیٰ سا چہرہ قرآن کہہ رہا ہے

میرا نہیں یہ گفتہ قرآن کہ رہا ہے

 

آواز پست رکھنا دربارِ مصطفیٰ میں

لا ترفَعُو کا جملہ قرآن کہہ رہا ہے

 

بخشے گا رب خطائیں جاؤ درِ نبی پر

جاؤوک میں ہے رستہ قرآن کہہ رہا ہے

 

گستاخِ مصطفیٰ کے دس عیب کھل گئے ہیں

جائز نہیں ہے نطفہ قرآن کہہ رہا ہے

 

گزرے دنوں سے بہتر محبوب تیرا ہر دن

بڑھتا رہے گا رتبہ قرآن کہہ رہا ہے

 

راضی کرے گا تجھ کو مالک عطائیں کر کے

یُعطِیک میں ہے وعدہ قرآن کہہ رہا ہے

 

اللہ نے کیا ہے ذکرِ حبیب اونچا

ارفع ہے ان کا درجہ قرآن کہہ رہا ہے

 

اللہ بھیجتا ہے اُن پر درود پیہم

بھیجو یہ تم بھی تحفہ قرآن کہہ رہا ہے

 

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ