اردوئے معلیٰ

Search

صدق و صفا کے پیکر صدّیقِؓ با وفا ہیں

سب رہبروں کے رہبر صدّیقِؓ با وفا ہیں

 

تکتے تھے غار میں وہ روئے حبیب تنہا

ہو گا وہ کیسا منظر صدّیقِؓ با وفا ہیں

 

وہ سفر، حضر ہو یارو کہ لحد کی ہو رفاقت

رہے ساتھ جو برابر صدّیقِؓ با وفا ہیں

 

اصحابیت پہ ان کی مُصحف کرے دلالت

جن کا ہے یہ مُقدّر صدّیقِؓ با وفا ہیں

 

بعدِ نبی و مرسل دنیا میں ہر بشر سے

رتبہ ہے جن کا بڑھ کر صدّیقِؓ باوفا ہیں

 

جو ہدیٰ کے آسماں پر ضو بار ہیں ستارے

ان میں ہیں پہلے اختر صدّیقِؓ با وفا ہیں

 

وہ حلیمئی طبعیت لہجے کی وہ حلاوت

خُلقِ نبی کے مظہر صدّیقِؓ با وفا ہیں

 

عشقِ نبی میں کشتہ ہیں جلیل سب کے دلبر

وہی عاشقوں کے افسر صدّیقِؓ وفا ہیں

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ