اردوئے معلیٰ

Search

عاصیوں پر رحمتیں اپنی لٹانے آگئے

آج محبوبِ خدا دنیا سجانے آگئے

 

دل نے لفظوں سے کہا تم نعت کی صورت بنو

اشک بھی شامل ہوئے باہم ملانے آگئے

 

آمنہ کا لال جھولے میں تھا محوِ خواب جب

سدرہ سے جبریل تب جھولا جھلانے آگئے

 

سخت دل لوگوں نے انکارِ نبوت جب کیا

جھوم کر پتھر انہیں کلمہ سنانے آگئے

 

غار میں صدیق کی یاری سے پائی تقویت

ایک مکڑی دو کبوتر بھی دہانے آگئے

 

مال سارا وار ڈالا حرمتِ سرکار پر

یار چاروں جان تک اپنی لٹانے آگئے

 

ناز کر تو اے حلیمہ وہ ہوا تجھ پر کرم

مصطفٰی خود بکریاں تیری چَرانے آگئے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ