اردوئے معلیٰ

Search

عرشی تے فرشی کہون وارے نیارے ہو گئے

مصطفیٰ نوں ویکھیا حق دے نظارے ہو گئے

 

آپ دی انگلی تے انبر وی فدا اے ہو گیا

رقص وچ آیا قمر حیران تارے ہو گئے

 

ہوگئے قربان تیرے مکھ توں اکھر سوہنیا

زلف دے قیدی کنائے، استعارے ہو گئے

 

حال وچ اونی خدائی حال میرا ویکھ کے

جس گھڑی وی تیرے نیناں دے اشارے ہو گئے

 

اے غریبو ! خوش ہو جاوو کملی والا آ گیا

اج تہاڈے بخت دے اُچے ہلارے ہو گئے

 

تیرے حصے وچ حلیمہ سبھ توں اُچا آ گیا

تیری کُلّی دے گدا سارے چبارے ہو گئے

 

من منت اعجازؔ دی لجپال ہن تے آ وی جا

اج نظر دی بڈھڑی کولوں بھار بھارے ہو گئے

یہ نگارش اپنے دوست احباب سے شریک کیجیے
لُطفِ سُخن کچھ اس سے زیادہ